過去幾個月，屋企嘅煮食爐可以話做咗平時一年嘅工作，相當忙碌！不過，因為之前訂嘅冰櫃未到，屋企雪櫃冰箱嘅容量有限，星期日補倉，買番嚟嘅冰鮮食物已經所剩無幾，去到星期四、五，難免要斬夠叉燒🐷頂住吓！

噚晚一餐飯，睇落好豐富係咪？事關除咗叉燒，仲整咗半隻油雞🐔，之但係亮點呢，就梗係去咗我最愛嘅米米度😍😍啦！但係呢粒仔就成日玩嘢嘅，每次我開飯佢都會坐定定喺度等，以為佢想食埋一份？錯嘞，佢只係催我食快啲啫，次次食唔夠五啖飯，就咬住個公仔喺側邊𠵱𠵱哦哦，搞到我想安安樂樂食餐飯都唔得，呢啲係咪叫慈母多………………..哩！

講完米米，就要讚下姐姐嘞，知道老闆娘食嘢鍾意色香味俱全，整整下佢自己都好鍾意搞下新意思，好似蒸水蛋🥚🥚咁，佢已經到咗爐火純青嘅地步，除咗蒸到震震吓滑嘟嘟，而家仲好講究🤣搞到碟蛋好鬼日式Feel，加埋啲櫻花蝦，係咪無可能唔相機食先哩！