早於去年年尾已經想多添一個冰櫃，方便儲存唔同嘅🦑🦐🦀🐟🥓🍗冰鮮食品，可惜最終一拖再拖到今年3月才正式行動，結果就因為疫情關係，訂冰櫃的倍增，冰櫃要等足兩個月先有貨，月初一直追問，直至上個星期才收到通知今批貨有我份，並會於14-19日送貨，可惜周二（19日）仍然音訊全無，到今日才收到送貨電話，而且即日送到添……真係估你唔到三千….

 

嘩！見到真身，冰櫃「身材」比我想像中「健碩」，幸好原先安排擺放的位置都在預計之內能安放，只是將原來跟雪櫃水平線擺放的諗法稍為改變，現在這樣打橫的放在雪櫃旁邊，這樣便可以不影響四位主子的飲水兜位置，事關Congee和四寶視力不好，尤其Congee已習慣用地上的方形布來記着水兜的擺放位置，所以不想有大郁動。

 

講番這個冰櫃，雖然不是新產品，但現在入手絕對有相逢恨晚的感覺，因為以後再不用「就住就住」咁買凍肉，買得主子的肉肉，又放不下自己的糧草，所以如果大家都有我這個煩惱，這個冰櫃真係好值得推介。