早排無意中喺網上見到有人話將買咗番嚟嘅葱，剪咗綠色部份食用後，留番根部放喺水種，啲葱好快又再生長，即係長食長有🤣前幾日行一田買咗棵日本葱，於是就同屋企姐姐講，不如我哋又試下留番個根嚟玩吓吖！
結果…..姐姐行動相當迅速，第二日瞓醒我就見到一束白色嘅嘢插咗喺水！心諗，啲葱食得咁快咩？原來姐姐手起刀落，一次過將啲葱切斷晒，將上半截放喺雪櫃，下半截就攞咗去種🥴🥴
不過，早種早享受（希望）😛啲葱真係好快就生番出嚟！雖然最後係咪可以變到亭亭玉立仲係未知之數，但見到佢嘅生命，自己頼係振奮吓咁啦！之但係而家最想嘅係……可以親自去日本買棵葱返嚟！😭😭😭
