生日快樂🎂今日係四寶9歲生日呀！
四寶由細到大都有啲神經質，好容易好緊張，尤其而家同Congee一樣，因為視網膜退化睇唔到嘢，佢每一個行動都好小心，幸好四寶一向乖仔，唔會亂跑亂撞，所以都放心。惟一係佢同Rice嘅關係（只限奴才在家）一直都無好轉，只要奴才在家，兩個人就好易起衝突，小則鬧兩句互兇，大則埋牙肉博，加埋佢老豆皮蛋成日煽風點火，奴才喺屋企成日都嘈交。所以今年奴才代四寶許嘅生日願望，除咗一定要身體健康，就係同舅父Rice要friend番，正確嚟講係奴才喺屋企時「唔好玩嘢」，增加奴才壓力。就咁話啦，俾封大利是你🧧🎁
四寶同Rice呢，媽咪唔喺度時明明可以好Friend㗎！☝🏻
四寶出生第一餐☝🏻
四寶出咗世，Congee仲未生到五寶，諗住休息一陣再生，可惜最後還是要開刀……而且五寶還是到了彩虹橋。
未打齊針，梗係同媽咪一齊啦☝🏻
